کابل، د غبرګولي ۱۹مه، باختر
د هرات د پولیسو د روزنیز مرکز مسؤلین وايي، د هرات د پولیسو په روزنیز مرکز کې هره ورځ له لویدیځو ولایتونو څخه د اسلامي امارت د مجاهدینو مسلکي او نظامي زده کړې دوام لري.
د هرات د پوليسو د روزنيز مرکز قوماندان محمد اسماعيل هدايت وويل: مجاهدين په دې وروستيو کې له څلورو لويديځو ولايتونو څخه د حرفوي زده کړې، د عقیدتي او دیني مسایلو کورسونو، د سواد زده کړې او د نورو مسلکي چارو په موخه دغه مرکز ته معرفي او استول شوي اوټاکل شوې ده له شپږو اوونيو وروسته د فراغت سندونه ترلاسه کړي او د امنیت د تامینولو لپاره بېلا بېلو سیمو ته ولېږدول شي.
د باختر آژانس د خبريال د خبرله مخې: د هرات د پوليسو روزنیز مرکز قوماندان د دغو مجاهدينو د ورځنيو روزنيزو او درسونو د څيړنې په ترڅ کې ټينګار وکړ چې د مجاهدينو د مسلکي روزنې په لاره کې خپلې هلې ځلې کوي او دغه راز يې د ټولو درسي او روزنیزو امکاناتو د برابرولو غوښتنه وکړه او دوی په دغه مرکز کې د مجاهدینو لپاره تیاری نیولی دی.
دا په داسې حال کې دی چې مجاهدین مسلکي پوځي زده کړې کوي چې په ترڅ کې یې د لویدیځو ولایتونو څه نا څه ۶۰۰ مجاهدین په مرکز کې د زده کړې په حال کې دي.
ع