کابل، د غبرګولي ۲۸ مه، باختر
د هلمند روغتيايي مرکزونو ته د سلګونو روغتيايي کارکونکو د جذبولو لپاره هڅې ګړندۍ شوې دي.
د دې پروګرام په چوکاټ کې پرون په هلمند کې د تحصيلي بنسټونو څه د پاسه ١٥٠٠ تنو فارغانو په دولتي روغتيايي مرکزونو کې د شموليت آزموينه ورکړه.
په دې آزموينه کې ٥٤٢ نجونو او ٩٩٠ نارينه وو ګډون کړى وو.
د هلمند د عامې روغتيا رياست مرستيال ډاکتر نقيب الله فاتح باختر آژانس ته وويل، چې له دې جملې څخه به هغه کسان چې لوړې نمرې ترلاسه کړي د هلمند په روغتيايي مرکزونو کې جذب شي.
هغه هيله څرګنده کړه چې د دغو روغتيايي کار کوونکو په جذبولو سره خلکو ته د روغتيايي خدمتونو په وړاندې کولو کې ښه والى رامنځته کېږي.
د آزموينې يو شمېر برخه والې قابلې دي او مسوولين وايي، چې په روغتيايي مرکزونو کې د هغوى شتون به د ميندو او ماشومانو د مړينې د کچې کمښت سبب شي.
دغو ځوانانو د احمدشاه بابا، بست، هېواد او د شهيد سردارمحمد داود خان په تحصيلي بنسټونو کې په بېلابېلو طبي څانګو کې زده کړې دي.
\ ذ