کابل باختر د ليندې نهه ويشتمه :
په قندهار ولايت کې دچاڼيزو عملياتو په بهيرکې درې تنه وسله وال طالبان ووژل شول .
د ٢٠٥ اتل قول اردومطبوعاتي مسوول ډګرمن محمد محسن سلطاني دباختراژانس خبريال ته وويل، دغه عمليات تيره شپه د ملي اردو دځواکونو له خوا دقندهار ولايت دژيړي او شاه ولي کوټ دولسواليو په مربوطاتو کې ترسره شول چې له امله يې درې تنه وسله وال طالبان ووژل شول .
يوه اړونده خبرځاى وويل ،دغه عمليات د طالبانو له شتون څخه دسيمو دپاکولو په مقصد دژيړي او شاه ولي کوټ دولسواليو په مربوطاتو کې ترسره شول .
خبرځاى زياته کړه چې ددغو عملياتوپه بهيرکې دوسله والو طالبانو دډلې يوه اندازه جنګي وسايل هم دامنيتي ځواکونو لاس ته ورغلي دي .
0 د یوې دقیقې څخه لږ