کابل/ د ليندۍ ٦مه /باختر
د ښځو پروړاندې د تاوتريخوالي د له منځه وړلو نړيواله ورځ نن په پنجشير کې ونمانځل شوه.
د دغو مراسمو د پرانستلو په پيل کې د پنجشير والي انجنير کمال الدين نظامي خبرې وکړې او ويې ويل چې ښځه د ټولنې نيمايي برخه ده د يو نارينه پت اوعزت ښځه ده . ښځه مور ده او له ټولو يې وغوښتل چې له دغه قشر سره په مهربانى چلندوکړي.
د مراسمو پردوام د پنجشير د ښځو د چارو رييسې خاطرې شيخاني اويوشمېر نورو هم د دغې ورځې په اړه خبرې وکړې او د دغې ورځې نمانځل يې د ښځو درناوى وباله .
ختم -ج – اکرم