کابل، د زمري ٢مه، باختر
د لوړو زده کړو سرپرست وزیر مولوي عبدالباقي حقاني د دغه وزارت له مسوولينو سره په غونډه کې د نړيوالو مرستو په جلبولو او د ښو خدمتونو پر وړاندې کولو ټينګار وکړ.
د باختر آژانس د خبر له مخې؛ د لوړو زده سرپرست وزیر د قوانينو په رعايتولو سره د چارو په ښه ترسره کولو، له اړوندو ادارو سره په همغږۍ د لوړو زده کړو په وزارت پورې د اړوندو ځمکو پر ساتنې، د خصوصي لوړو زده کړو په بنسټونو کې د ماليې د ستونزو پر حل کولو او د ښو خدمتونو پر وړاندې کولو ټينګار وکړ.
د لوړو زده کړو سرپرست وزیر زياته کړه: موږ اړتيا لرو چې د لوړو زده کړو په برخه کې نړيوالې مرستې جلب کړو او له نړۍ سره د همکارۍ زمينه برابره کړو.
نوموړي دغه راز د سندونو د څېړنې په برخه کې د ديني جامعات او تخصصات د لوى رياست مسوولينو ته لازمه لارښوونه وکړه او په دې برخه کې د جعلې سندونو پر مخنيوي ټينګار وکړ.
د لوړو زده کړو سرپرست وزیر د چارو د ښه پرمخ بيولو په موخه کمېټې هم جوړې کړې او د کمېټو غړو ته يې مشخص مسووليتونه وسپارل.
\ ج