کابل، د غبرګولي ۲۴ مه، باختر
د بلخ د پوهنې رياست د ښوونکو پنځم او شپږم څلور سوه دوه پنځوس بستونه اعلان ته سپارلي چې ۱۰ زرو کسانو ورته نوم لیکنه کړې ده.
د بلخ ولايت د بشري سرچینو رييس مولوي شفيق الله محمود د باختر اژانس خبريال ته وويل چې په دې رقابتي پروګرام کې د ښځو په ګډون لس زره کسانو نوم لیکنه کړې ده.
هغه وويل، چې د وړ کسانو په جذبولو سره به د زده کوونکو تدرسي بهیر ښه شي او ځوانانو لپاره به د کار زمينه هم برابره شي.
د بلخ ولايت د پوهنې آمر محمد نعيم بلخي وايي چې د بلخ والي د بشري منابعو رياست او د اداري اصلاحاتو او ملکي خدمتونو د ریاست په همکارۍ د ښوونکو د پنځم او شپږم بستونو څلور سوه دوه پنځوس بستونه آزادې سیالۍ ته سپارل شوې دي.
هغه وويل: د څلور سوه دوه پنځوسو بستونو په ګډون يو سل او اووه دېرش بستونه د ښځو لپاره ځانګړي شوي دي.
ع