کابل / د ثور ۵ مه / باختر
د کډوالو او راستنیدونکو چارو وزارت سرپرست مولوي خلیل الرحمن حقاني لوګر ولایت ته د یوه سفر په ترڅ کې پر څه باندې ۴۰۰ اړمنو کورنیو خوراکي توکي وویشل.
د باختر آژانس د سيمه ييز خبريال د خبرله مخې؛ د کډوالو او راستنیدونکو چارو وزارت سرپرست وویل، چې د چین مرسته به د هېواد په ۳۴ ولایتونو کې پر اړمنو کسانو وویشل شي، چې پر هرې کورنۍ به پنځوس – پنځوس کیلو ګرامه وريجې وویشل شي.
هغه زیاته کړه: د لوګر خلک تر ټولو ډېر مستحق دي او هڅې پیل شوي چې د لوګر په ولسوالیو کې هم پر اړمنو ورته مرستې ووېشل شي.
دا په داسې حال کې ده چې د کډوالو چارو وزیر له دې وړاندې هم یو شمېر نورو ولایتونو ته په سفرونو کې پر اړمنو کورنیو د چین مرسته شوې وریجې وېشلې وې.
ع