کابل، د چنګاښ ۶ مه، باختر
د زرنج ښاروالۍ مسوولین وايي، چې په دغه ولایت کې پرون د ۱۳ پلګوټو د جوړولو چارې پیل شوې دي.
د زرنج ښاروال مولوي نورالدین حمزه د باختر آژانس خبریال ته وویل چې دغه پلګوټي د زرنج په ښار کې د ۲ میلیونو افغانۍ په ارزښت د (UNHCR او Acro) موسسو له خوا جوړېږي.
هغه زیاته کړه چې دغه پلګوټي پخوا د زرنج ښار په بېلابېلو سيمو کې د یادو مؤسسو او د ښاروالۍ د انجينرۍ ټيم له لخوا سروې شوي و، جوړيږي.
/ وزیري