– کابل / د غوايي ۲۶ مه / باختر
د هرات په مرکز کې د اوو مېلیونو افغانیو په لګښت د یو سړک د رغولو چارې نن پیل شوې.
د هرات ښاروال حیات الله مهاجر فراهي د باختراژانس خبريال ته وويل چې د دغه سړک په جوړولو کې به کیفیت ته ځانګړې پاملرنه کېږي.
هغه په روان کال کې د نورو پرمختيايي پروژو د پيل په اړه هم خبرې وکړې او د ښار په پراختيا کې يې د هرات له ښاريانو څخه د بشپړې همکارۍ غوښتنه وکړه.
په همدې حال کې د اړوندې سيمې اوسېدونکو د دغه سړک پر پخولو خوښي څرګنده کړه او د ښاروالۍ له مسوولينو او پرمختيايي پروګرامونو څخه یې خپل بشپړ ملاتړ اعلان کړ.
د دغه سړک د پخولولګښت ۷ میلیونه افغانۍ کيږي چې د ښاروالۍ له پراختیايي بودجې څخه ورکول کيږي
ټاکل شوې ده، د دغه سړک د اسفالټ کار به په راتلونکو څو میاشتو کې بشپړ او ګټې اخیستنې ته به وسپارل شي.
ع