په پنجشېر کې د والیبال سیالۍ پیل او په تخار کې پای ته ورسېدې 

کابل، د چنګاښ ۳ مه، باختر

د پنجشېر د بدني روزنې او سپورټ آمریت او د والیبال فدراسیون له لوري د مرکز او ولسوالیو په کچه د ۲۰ لوبډلو ترمنځ د والیبال سیالۍ پیل شوې دي. 

د یاد ولایت د بدني روزنې او سپورټ امریت یو مسوول مولوي عبیدالحق ظهیر د باختر آژانس خبریال ته وویل، چې د مرکز بازارک د جنګلک کلي په لوبغالي کې د مرکز او ولسوالیو په کچه د ۲۰ لوبډلو ترمنځ د والیبال سیالۍ پیل شوې دي.

د یو بل خبر له مخې، د تخار په خواجه بهاوالدین ولسوالۍ کې هم د ۹ لوبډلو ترمنځ د اختریز جام په نوم د واليبال سیالۍ د شاخه نبات لوبډلې په بریا پای ته ورسېدې.

د یادونې وړ ده، چې د سیالیو په پای کې ګټونکو لوبډلو ته د مسوولینو له لوري ستاینلیکونه او نغدي جایزې ورکړل شوې دي.