کابل، د چنګاښ١١مه، باختر
یو شمېر غيردولتي ورځپاڼو په خپلو نننیو ګڼو کې د هېواد په بېلابېلو سیاسي او پوځي مسایلو مطالب خپاره کړي او راپورونه خپاره کړي.
د باختر آژانس خبريال د دغو ورځپاڼو خپرونو ته په کتنې سره دغه رپوټ چمتو کړى دى.
د ٨ صبح ورځپاڼي” په غور ولایت کې د پکتیکا هوايي شرکت خپل آزمایښتي الوتنې له سره پیل کړې دي ” تر عنوان لاندې لیکلي دي.
د پکتیک هوايي شرکت خپله لومړنۍ آزمایښتي الوتنه د غور ولایت په لعل او سر جنګل ولسوالۍ کې د اسلامي امارت مجاهدینو له لوري د جمهوریت له سقوط وروسته ترسره کړه.
په افغانستان کې د اسلامي امارت ځواکونو له واکمنۍ وروسته دغه شرکت خپله لومړۍ ازمايښتي الوتنه د زمري په ٤ مه د غور ولايت لعل او سرجنګل ولسوالۍ ته د هوايي ډګر د څېړنې او آزموينې او مسافرو ته د آسانتياوو د برابرولو په موخه ترسره کړې ده.
د اطلاعاتو روز ورځپاڼې” په فاریاب کې یوې ځوانې نجلۍ له خپل پلار سره له لفظي شخړې وروسته ځان وژنه وکړه “ترعنوان لاندې لیکلي دي.
دغه ١٨ کلنه نجلۍ د فارياب ولايت د ګرزيوان ولسوالۍ د “دره زنګ” اوسېدونکې وه، چې د موږکانو د درملو په خوړلو يې خپل ژوند پای ته ورساوه.
د سرچينې د معلوماتو له مخې، دغه نجلۍ ٥ کاله وړاندې له يوه هلک سره د ١٢ لکو افغانيو د مهر په بدل کې کوژده شوې وه او د دې مودې په بهير کې هلک په ايران کې کار کاوه او د نجلۍ مهر يې پلار ته ورکړی دی.
سرچينې زياته کړه، هلک چې له څو کلونو وروسته فارياب ته د واده لپاره راستون شوى، خسر يې د مهر ترڅنګ له ده څخه د يوې ټوټې ځمکې غوښتنه هم کړې ده.
د دې سړي غوښتنه د هغه د لور له منفي غبرګون سره مخ شوه، او د دې مسئلې په اړه له خپل پلار سره خبرې کوي.
د سرچينې په وينا، دغه نجلۍ کله چې پلار يې د هغې خبرو ته پاملرنه نه کوي په ځان وژنې لاس پورې کوي او خپل ژوند پاى ته رسوي.
په ودونو کې ډېر مهر او زيات لګښتونه د کورنیو ترمنځ د تاو تريخوالي لامل شوي دي.
| ذ
