کابل ، د غبرګولی ۲۳ مه ، باختر
يوشمېرمحدود غير دولتي ورځپاڼو په هېواد کې سياسي او پوځي مسئلو ته کتنه کړې ده.
د باختر آژانس خبريال دغو ورځپاڼو ته کتنه کړې او دغه ریپورټ یې پرې چمتو کړی دی.
د” اطلاعات روز” ورځپاڼې د خوست ولايت جلغوزيو په ځنګلونو کې اورلګيدنې تر عنوان لاندې ليکلي دي:
د هېواد په جنوب ختيځ خوست ولايت کې سيمه ييزو خبرځايونو د دغه ولايت د جلغوزيو په ځنګلونو کې د اورلګيدنې خبر ورکوي.
يوه خبر ځاى پرون د اطلاعات روز ورځپاڼې ته وويل، چې دغه اور د موسی خيلو ولسوالۍ د غرونو په ځنګلونو کې لګېدلى دى.
د “۸ صبح” ورځپانې په “نيمروز کې يو سړي د خپلې کورنۍ ٩ تنه ووژل ” ترعنوان لاندې ليکلي دي:
د نيمروز ولايت سيمه ييز خبر ځايونه وايي، چې یو سړي د څلورو ماشومانو په ګډون د خپلې کورنۍ ٩ غړي وژلي دي.
دغه پېـښه پرون مازيګر د ٥ بجو په شاوخوا کې د زرنج ښار د دويمې حوزې په مربوطاتو کې رامنځته شوې ده.
په همدې حال کې د دغه ولايت ځايي چارواکي تائيدوي، چې یو سړي د خپلې کورنۍ ٩ غړي وژلي دي.
د نيمروز ولايت سيمه ييز مقامات وايي، چې قاتل تښېدلى او د هغه د نيولو لپاره هڅې دوام لري.
\ذ