– کابل / د وري ۱ / باختر
د کندز د عامې روغتیا ریاست مسوولین وايي چې په دغه ولایت کې یې شپږ ټنه تاریخ تېري او بې کیفیته درمل وسوځول.
دغه درمل په کندز کې له عمده پلورونکو او د ښار له درملتونونو راټول شوي وو.
د کندز د عامې روغتيا رييس ډاکتر نجيب الله ساحل وايي چې د روغتیا د څارنې او ارزونې او د روغتیا او څېړنو د قوانینو ګډې کمېټې په همکارۍ راټول شوي ۶ ټنه بې کیفیته او تاریخ تېري درمل په دشت آبدان کې وسوځول شول.
د عامې روغتيا رئيس زياته کړه چې په دغه ولایت کې له منظم پلان او مهالوېش سره سم د بې کيفيته او د تېر تاریخ درمل راټولولو بهير دوام لري.
ن/ر
