د بغلان په تاله او برفک کې په بدو کې د نجونو د ورکولو دود پاى ته ورسول شو

کابل باختر د سلواغې  نهه ويشتمه :؛
د عامه ذهنونو په روښانه کيدو او مطبوعاتو ته د خلکو په لاسرسي سره د بغلان ولايت په تاله اوبرفک کې  په بدو کې  دنجونو د ورکولو ناوړه دود  په بشپړه توګه پاى ته رسول شوى دى .
دغه ټکى د سيمې يو مخور معاون کريم خيرخواه  د باختراژانس  سيمه ييز خبريال ته څرګند کړ او ويې ويل  چې، له اوو کلونوراپديخوا د نجونو او ښځو د حقوقو په باب  دکورنيو د پوهاوي  د کچې د لوړېدلو له امله په دغې ولسوالۍ کې په بدو کې د نجونو دورکولو  ناوړه دود له منځه تللى دى.
  خيرخواه په بدو کې دنجونو دورکولو دناوړه فرهنګ  د له منځه وړلو په لاره کې  د عامه ذهنونو په روښانولو کې د عالمانو او درسنيو رول  مهم او اساسي وباله اويې ويل:  د سواد  د زده کړې وده او پراختيا د دغه ناوړه  دود دجرړو دايستلو  له نورو عواملو څخه دي ، چې په دې ولسوالۍ کې خلک ورسره مخامخ و .   ختم_ ج _ اکرم