سیاست

جمهوررئیس غني له شیخ محمد بن راشد آل مکتوم سره وکتل

کابل/ باختر / د کب د میاشتې ۲۷مه
د افغانستان د اسلامي جمهوریت جمهوررئیس محمد اشرف غني عربي متحده اماراتو ته د خپل سفر په جریان کې پرون ماسپښین د دُبی له لومړی وزیر او امیر شیخ محمد بن راشد آل مکتوم سره وکتل.
د جمهور رییس د ویاند دفتر باختر آژانس ته خبر ورکړ:
په دې کتنه کې دواړو لورو د سوداګریزو، انکشافي او اقتصادي اړیکو پر پراختیا بحث او خبرې وکړې.
شیخ محمد بن راشد آل مکتوم د افغانستان او عربي متحده اماراتو ترمنځ هوایي دهلېز ښه نوښت وباله او ويې ویل، د دُبی بازارونه د افغانستان د محصولاتو او تولیداتو پر مخ پرانیستي دي او د تجارت ښې زمینې هم برابرې شوې دي.
د هېواد جمهوررئیس د دُبی د امیر له میلمه پالنې څخه په مننې وویل، د هوایي دهلیز له لارې به د افغانستان د محصولاتو صادرات دغه هېواد ته زیات شي.#
پای – ذ

نور ښکاره کړئ

اړونده مقالې

بیرته پورته تڼۍ ته