کابل باختر دتلي شپږمه :
دکرکټ دکورنيو ټيمونو دڅلور ورځنيو سياليو وروستى پړاو سبا په کابل کې ترسره کيږي .
دکرکټ بورد دخپرونو مسوول عزيز غروال نن دباختر اژانس خبريال ته وويل دکرکټ دکورنيو ټيمونو څلور ورځنۍ سيالۍ چې يوه مياشت مخکې د پنځو زونونو دکرکټ دلوبغاړو ترمنځ د ننګرهار او دخوست په ولايتونو کې پيل شوې وې په پاى کې د سپين غر او دعينکو دمسو دکان ټيمونو وکولاى شول وروستى پړاو ته لاره ومومي او دغه دوه ټيمونه سبا په وروستي پړاو کې په کابل کې دکرکټ بورد په ورزشي لوبغالي کې لوبه کوي .
