کابل، د کب ۱۸مه، باختر
د کندز د شېرخان بندر په دوراهي ښارګوټي کې د نږدې ۶ میلیونه افغانیو په لګښت د یوې پروژې چارې پیل شوې.
دغه پروژه د یاد شهرک له لوري د نږدې ۶ میلیونه افغانیو په لګښت پلې کېږي چې په کې د تشنابونو، دوکانونو او مبرزونو جوړول شامل دي.
مسوولین وايي چې د دغه پروژې چارې به د ۴ میاشتو په موده کې بشپړې شي.
دا په داسې حال کې ده چې په کندز کې روان کال زیاتې ټولګټې او پراختیایي پروژې پلې شوې دي.
