-کابل باختر دوري اتمه
دداعشيانو دډلې ٢٠ تنه غړي دهېواد په ختيځ کې دځانګړو ځواکونو په نويو بريدونوکې ووژل شول .
دهېواد په ختيځ کې دسيلاب قول اردو يوه جګپوړي قوماندان باختراژانس ته خبرورکړ چې په نويو بريدونوکې ٢٠ تنه داعشيان ووژل شول .
ده وويل : په دغو داعشيانوتيره شپه دننګرهار ولايت په ځينو سيمو کې هوايي او ځمکني بريدونه وشول .
ده زياته کړه په دغو داعشيانو دروداتو ، ، هسکې مينې بټي کوټ او ددربابا په ولسواليو کې بريدونه وشول . .
درارسيدلو خبرونوله مخې ، په دغوهوايي او ځمکنيو بريدونوکې له وسلو او مهماتو سره يې دداعشيانو مرکزونه او پټنځي هم ويجاړ شوي دي .
په يوبل خبر کې ويل شوي دي امنيتي مامورانو نن سهار ديولړ چاودنو لپاره دطالبانو طرحه ناکامه کړه . امنيتي مامورانو نن سهار دننګرهار ولايت له ګڼ ميشتو لارو څخه څلور ماينونه کشف او شنډ کړل .
ددغو ماينونو دښخولو په اړوند څوک نه دي نيول شوي
ديوبل خبرله مخې، په ننګرهار ولايت کې پوځيان د وسلو اومهماتو ديوه ډيپوپه کشفولو بريالي شول .
له دغه ډيپو څخه چې په کوټ ولسوالۍ کې کشف شوه يوشمير سپکې او درندې وسلې ترلاسه شوي دي .
سيمه ئيز مقامات وايي چې داعشيانو ددغه ډيپو له وسلو اومهماتو څخه په خپلو ډار اچوونکو بريدونوکې استفاده کوله .
