په لوګر کې د ناټو د هوايي بمبارۍ له امله د ملي اردو پنځه تنه سرتيرې شهيدان شول

کابل – باختر دکب دمياشتې ١٥

په لوګر ولايت کې نن سهار دملي اردو دځواکونو په يوې قرارګاه د ناټو د بي بيلوټه الوتکو دبمبارۍ  په نتيجه کې دملي اردو پنځه   تنه سرتيري   شهيدان شول او څه ناڅه اولس  تنه نور ټپيان  شول .
دغه پيښه هغه وخت رامنځته شوه چې  د  څرخ ولسوالۍ د بندوکه   په  سيمه کې دملي اردو دځواکونو په قرارګاه دناتو د جنګي الوتکو له خوا بريد وشو.
دلوګر دوالي ويندوى  دين محمد درويش باختر آژانس ته وويل  :   ددغو بمباريو
له امله دملي اردو پنځه تنه سرتيرى   شهيدان شول   او څه ناڅه اووه تنه نور ټپيان شول  .
خو دلوګر ولايت دڅرخ  ولسوال خليل الله کمال   وايي چې په دې پيښه کې  دملي اردو پنځه تنه سرتيرى شهيدان او  ١٧ تنه نور ټپيان شول .
ده   وويل چې   دغه   هوايي  بريد نن سهار په   دريو بجو هغه   وخت   وشو چې سرتيرى   ويده  وو.
په همدې حال کې د  لوګر والى نياز محمد اميري دناټو دجنګي الوتکو  ددغه خونړي  بريد دڅرنګوالي په باب دڅيړنو خبر  ورکړ.
په   لوګر کې د ناټو ميشتو ځواکونو دغه  پيښه تاييد کړې ده  او ويلي يې دى چې
د دوى جنګي الوتکو دوسله والو طالبانو دپټنځاى  پرځاى  په تيروتنې سره دملي اردو په قرارګاه بريد کړى دى .
ناټو وايي چې دوى د دغې پيښې درامنځته کيدو د  څرنګوالي په باب څيړنې   پيل کړي  دي .
دلوګر سيمه ييز  مسوولين وايي چې دناټو دغه هوايي  بريد د دوى له همْغږۍ  پرته ترسره شوى دى .
دا په  داسې حال کې ده چې دجمهور رييس کرزي   په   لارښونه ناټو د افغان ځواکونو له همغږي   پرته هغه  هم د شپې له خوا دپوځي عملياتو اجازه  نه لري.
له بله پلوه د کونړ په غازي آباد ولسوالۍ کې د روانې مياشتې په بهير کې د ملي اردو دځواکونو په پوستو دسلګونو تنو وسله والو طالبانو له  خونړۍ بريد وروسته چې له امله يې درې ويشت تنه  پوځيان ووژل په  وروستيو کلونو کې دا دافغانستان د اردو لپاره ډيره خونړۍ   پيښه ده.