کابل باختر د وږي ۲۵
په غور ولایت کې د اوبو رسولو د دریو پروژو کار پيل شو .
د غور د کلیو د بیا جوړولو او پراختیا سرپرست انجینر عبدالمجید صمیم د باختر اژانس خبر یال ته وویل چې په دغو پروژوکې د اوبو رسولو درې شبکې شاملې دي چې د درې ملیونو اووه سوه زرو افغانیو په لګښت د لعل او سرجنګل د ولسوالۍ په دریو کلیو کې د خلکو په سلو کې له پنځلسو ونډې سره تطبیقیږي، ده وویل چې ددغو پروژو په تطبیقولو سره به د دوه سوه درې څلویښتو کورنیو لپاره د څښاک اوبه برابریږي . سعیده