دملي اردو درې تنه سرتيري دامنيتي دندو په بهير کې ووژل شول .

کابل باختر دغبرګولي دمياشتې ٢٨ :

  دماين دچاودنې او ددښمن د ډزو له امله دملي اردو درې تنه سرتيري  شهيدان او يوولس تنه نور ټپيان شول .

 دملي دفاع وزارت مطبوعاتي دفتر باختر اژانس ته خبر ورکړ په تيرو  ٢٤ ساعتونوکې دملي اردو ځواکونو  د لوګر ميدان وردګو ، هرات او دهلمند ولايتونو په مربوطاتو کې ددندو په بهير کې دملي اردو درې تنه سرتيري شهيدان او يوولس تنه نور يې ټپيان شول .

 دغه راز دغزني هلمند او دقندهار دولايتونو په مربوطاتو کې دملي اردو ديو لړ  عملياتو په بهير کې  له اتو شارژورونو سره  ددښمن   دولس کلاشينکوفونه ، دتوغندي دوه ماينونه  يو هاوان ،   يو دور بين ،  يو پنځه ډزي ټوپک ، دوه توغندي ويشتونکي  يوه کره بين، نور پوځي وسايل او تجهيزات  او پنځه موټرسايکلونه  په عملياتو کې دشاملو ځواکونو لاس ته ورغلي دي