کابل باختر د ليندي اوولسمه :
د افغانستان د اسلامي جمهوريت د بهرنيو چارو وزير صلاح الدين رباني د اروپا د امنيت او همکارۍ سازمان د بهرنيو چارو د وزيرانو په غونډه کې د ګډون په موخه د اتريش جمهوريت مرکز ويانا ښار ته سفر کړى دى، د دغې غونډې ترڅنګ يې له خپل اتريشي سيال سباستين کورتز سره وکتل او د دواړو هېوادونو ترمنځ د بېلابېلو دوه اړخيزو مسئلو او دغه راز د افغانستان لپاره د اروپا د اتحاديې د ستراتيژۍ په باب خبرې وکړې .
د بهرنيو چارو وزارت د وياند دفتر باختر آژانس ته خبر ورکړ:
په دې کتنه کې د هېواد د بهرنيو چارو وزيرصلاح الدين رباني له ٢٠٠١ ميلادي کال وروسته په افغانستان کې د بېلابېلو پوځي ماموريتونو په چوکاټ کې د اتريش د شتون په يادونې سره د بروکسل په کنفرانس کې د دغه هېواد د مرستو او دغه راز د اروپا د امنيت او همکارۍ د سازمان د بهرنيوچارو د وزيرانو په کلنۍ غونډه کې د افغانستان د موضوع د طرحه کولو له امله قدرداني وکړه .
ختم_ ف _ اکرم
