کابل/ د وري٢ مه / باختر
د ملګرو ملتونو د ماشومانو د ملاتړ صندوق (یونیسف) د واکسین برخې مسوول وايي چې دغه اداره په افغانستان کې د پولیو ضد واکسین د پراخ تطبیق غوښتونکې ده.
د یونیسف د ماشومانو د واکسین څانګې مسوول سټیفن د افغانستان ختیځ ننګرهار ته په سفر کې وویل چې هغه د افغانستان د عامې روغتیا وزارت له چارواکو سره په ګډه کار کوي چې د پولیو پر وړاندې د پنځو کلونو څخه کم عمره پر ټولو ماشومانو واکسین تطبیق شي.
د ننګرهار والي ملامحمد نعيم آخند له سټيفن سره په کتنه کې وويل چې د امنيت په ټينګښت سره اوس په افغانستان کې د پوليو واکسين د بشپړ تطبيق لپاره ښه زمينه برابره شوې ده.
سټيفن وويل چې ننګرهار ته يې د سفر موخه د پوليو د سراسري واکسين د تطبيق د لارو چارو څېړل دي.
د یاد واکسین له څو پړاوونو سربېره سږ کال په افغانستان کې د پولیو څو مثبتې پېښې ثبت شوې چې همدې پېښو اندېښنې را پارولې دي.
پولیو یوه وژونکې ناروغي ده چې د خلکو او په ځانګړې توګه د ماشومانو ژوند ګواښي او د دایمي فلج لامل ګرځي. د دې ناروغۍ یواځېنۍ لاره د واکسین تطبیق دی.
افغانستان، پاکستان او نایجریا په نړۍ کې هغه هېوادونه دي چې تراوسه نه دي بريالي شوي چې د پولیو ناروغي له منځه يوسي.
\ ذ