فرهنګ

په بغلان کې د خبریالانو د کار د ښه والي په موخه غونډه جوړه شوه

کابل/ د ليندۍ٧مه / باختر:

د بغلان د اطلاعاتو اوفرهنګ رييس مولوي اسدالله مصطفى هاشمي په  مشرۍ نن          د خبريالانو د کاري بهير د ښه والي او اطلاعاتو ته د لاسرسي د کمښت په اړه يوه غونډه جوړه شوه .

د باختر آژانس د خبريال د خبرله مخې: دغه غونډه  د افغانستان د آزادو خبريالانو ټولنې په همکارۍ او په بغلان کې د رسنيو د مسوولينو او دولتي او آزادو خبريالانو    په ګډون جوړه شوې وه  د بغلان د آزادو خبريالانو د ټولنې مشرمحراب الدين ابراهيمي وويل، چې د دې کارموخه د خبريالانو د فعاليت ښه والى،  او په خپل وخت  له ننګونو سره مقابله او د معلوماتو شريکول دي.

د غونډې په پيل کې خبريالانو او د رسنيو مسوولينو په دغه  ولايت کې د خبريالانو کاري ستونزې او اطلاعاتو ته د لاسرسي نشتوالى او په بغلان کې د خبري سرچينو    نه شتون د جدي ستونزو په توګه ياد کړ.

په بغلان کې د ازادو خبریالانو د ټولنې ريیس محراب الدین ابراهیمي وویل چې په بغلان کې د خبریالانو د فعالیتونو ښه والی د ولایت په مرکز او ولسوالیو کې د اسلامي امارت د مسؤلینو پر وخت معلوماتو او همکارۍ پورې تړلی دی او د دې ستونزې د حل غوښتنه یې وکړه.

دغه راز د بغلان د اطلاعاتو او فرهنګ رييس مولوي اسدالله مصطفى هاشمي د خبريالانو لپاره د ځينو کاري ستونزو د شتون د تاييدولو په ترڅ کې وويل چې د ولايتونو او ولسواليو په مرکزونو کې د پوهو او تجربه لرونکو کسانو په ګومارلو        سره به دغه ستونزه ژر حل شي.

د بغلان د اطلاعاتو او فرهنګ رييس د اطلاعاتو او فرهنګ رياست  د خبريالانو            د ګډ کور په توګه ياد کړ او ډاډ يې ورکړ چې د خبريالانو د کاري ستونزو په حل         کې به له هيڅ  راز همکاريو څخه ډډه  ونه کړي.

\ ذ

نمایش بیشتر

نوشته های مشابه

دکمه بازگشت به بالا