په پکتيا کې له بې ځايه شويو کورنيو سره مرسته وشوه .

کابل باختر د مرغومي  دويمه :
په پکتيا ولايت کې پرون له شپږ ويشتو بې ځايه شويو کورنيوسره  مرسته وشوه .
په پکتيا ولايت کې  دافغاني سرې مياشتې  دعالي ټولنې  دنمايندګۍ رييس  بهادر خان منګل  دباختراژانس خبريال ته وويل:  په دې مرسته کې چې  شپاړلس قلمه  کيږي  پنځه اويا کيلوګرامه  وريجې ،  پنځلس کيلوګرامه غوړي ، پنځه کيلو بوره ،  پنځه ويشت کيلولوبيا ، دوه کيلو چاى ، اووه شړى ،  يو ترپال ، داوبو يوه بوشکه ، شپږ شالونه او ښځينه او نارينه څادرونه  دپخلنځي  يو سيټ  وسايل او يوولس  چکۍ صابون  په هرې کورنې  ويشل شوي دي .
  ديادونې وړ ده  چې  دغه کورنې کابو پنځه مياشتې مخکې دناامنيو له امله  بې ځايه شوې وې .