کابل / د مرغومي ۳ مه / باختر
اووه وسله وال طالبان په غزني کې په هوايي برید کې ووژل شول او يو بل ټپي شو.
د203 تندرقول اردو د یوې خبرپاڼې په خپرولو سره وايي؛ دغو وسله والو طالبانو پرون د غرنې مرکز په ناني سیمه کې د افغان ځواکونو پر امنيتي پوستو د برید نيت درلود، چې دافغان ځواکونو له خوا پرې بريد وشو.
په خبرپاڼه کې ويل شوي دي چې په وژل شویو کې د طالبانو یو سرګروپ هم شامل دی.
وسله والو طالبانو تراوسه په دې اړه څه نه دي ويلي.
پاى \ ذ
