کابل/ د مرغومي ۲۹مه/ باختر
د افغانستان اسلامي جمهوریت جمهوررییس محمداشرف غني نن غرمه د ناټو له سرمنشي ینس ستولټنبرګ سره ټلیفوني خبرې وکړې. په دغه ټلیفوني مکالمه کې دواړو لوریو د سولې پروسې او له افغان امنیتي او دفاعي ځواکونو څخه د ناټو د دوامداره ملاتړ په اړه بحث او خبرې وکړې. د ناټو سرمنشي ینس ستولټنبرګ وویل: د افغان امنیتي او دفاعي ځواکونو روزنې، مشورې ورکولو او مرستو په برخه کې زموږ ژمنه او ملاتړ پر ځای دی او په دې هکله زموږ ماموریت دوام لري.
