کابل باختر دغبرګولي دمياشتې ١٤ :
د ننګرهار ولايت د اچين ولسوالۍ په مربوطاتوکې د (حمزه) په نامه د ګډو محاربوي او چاڼيزو عملياتو په دوام د داعش د ډلې د دوو تنو قوماندانانو په ګډون د دغې تروريستي ډلې دوه ويشت تنه غړي ووژل شول او د هغوى يوه اندازه وسله او وسايط ويجاړ او يوه اندازه وسله يې هم په عملياتوکې د شاملو ځواکونو لاسته ورغلې دي.
د ملي دفاع وزارت مطبوعاتي دفتر باختر آژانس ته خبر ورکړ:
دغه عمليات پخوا د هوايي او توپچي قوتونو په ملاتړ د ننګرهار ولايت د جنوب د ولسواليو په مربوطاتوکې پيل شوي دي چې په تيرو ٢٤ ساعتوکې د پيخه درې، مامنددرې او دلته بند بازار کليوکې د عملياتو په بهيرکې د داعش د تروريستي ډلې په پټنځيو ځپنده ګوزارونه شوي دي چې د دغو ګوزارونو له امله د ثاقب او نعمان په نومونو د دوو تنو قوماندانانو په ګډون د داعش د تروريستي ډلې دوه ويشت غړي وژل شوي او يوه اندازه وسله او درې وسايط يې په بشپړه توګه ويجاړ شوي دي.
دغه راز د ننګرهار ولايت د کوټ ولسوالۍ د آخندزادګانو په ساحه کې پنځه ډول ډول ماينونه کشف او شنډ کړاى شوي دي.
0 1 دقیقه لوستل