کابل /د لرم ١٦مه /باختر
د لوګر د اطلاعاتواوفرهنګ رييس د نشراتي چارو د ښه والي په مقصد د دغه ولايت له يوشمېر خبريالانوسره مشورتي غونډه وکړه.
د باختراژانس خبريال د خبرله مخې؛ په دې غونډه کې د يو لړ ستونزو ، چلنجونو او د خبريالانو د فعاليتونو د څرنګوالي په اړه هراړخيزې خبرې وشوې.
د لوګر د اطلاعاتواوفرهنګ رييس قاضي رفيع الله (صميم) په دغه ولايت کې د رسنيو فعاليتونه ضروري وبلل اوزياته يې کړه چې رسنۍ دې د اسلامي فرهنګ له په پام کې نيولو سره خلکوته خبرونه ورسوي.
صميم له خبريالانو وغوښتل چې د ناپيلتوب او انډول د اصل له په پام کې نيولوسره حقيقتونه د رسنيو له لارې منعکس کړي.
هغه زياته کړه د اطلاعاتواوفرهنګ رياست د رسنيو ملاتړکوونکى دى اوبايد په لوګر کې د رسنيو فعاليتونه زيات شي.
د لوګر د خبريالانو د مصوونيت د کمېټې مسوول خان ولي احمدزي اطلاعاتوته د لاسرسۍ اود خبري پېښو د ترپوښښ نيولو په اړه خبرې وکړې اوزياته يې کړه چې رسنۍ په لوګرکې تل د خبريالى د اصولو په پام کې نيولو سره فعاليت کوي.
هغه د لوګر د اطلاعاتواوفرهنګ له رياست څخه وغوښتل چې د خبريالانو د مصوونيت اواطلاعاتوته دلاسرسۍ په برخه کې له خبريالانوسره مرسته وکړي.
دغه راز په دې غونډه کې يوشمېر خبريالانو خپلې اقتصادي ستونزې هم طرحه کړې .چې اطلاعاتواوفرهنګ رييس د دغو ستونزو د حل کولو په برخه کې دهمکارى ژمنه وکړه.
ج-ا