کابل / د سلواغې دويمه /باختر
د بلخ د کرنې اواوبو لګولو رياست د مزارشريف- حيرتانو د لويې لارې په تګلورې کې د ١٢ کيلومتره شين کمربند د جوړولو خبرورکړ .
د باختراژانس د خبرله مخې؛ ټاکل شوې ده د بلخ د کرنې اواوبو لګولو رياست په ١٤٠٠کال کې د کرنې او اوبو لګولو وزارت په مالي ملاتړ د مزارشريف – حيرتانو په لويه لاره کې د ١٢ کيلومترو په اوږدوالي او له ٥٠څخه تر ١٠٠مترو سور سره شين کمربند جوړ کړي .
د بلخ والي چې په همدې مقصد دغه ساحې وکتلې د والي د مرستيال په مشري او د يو شمېر اړوندو بنسټونو د مسوولينو په غړيتوب د شين کمربند د جوړولو لپاره د ساحې د تشخيصولو په خاطر يوه کمېټه وګومارله .
ختم_ ج _ ا