– کابل / د کب ۱۱مه / باختر
د هېواد په ختیځ کې د ملي امنیت د ځانګړو ځواکونو په عملیاتو کې شپږ ډار اچوونکي ووژل شول.
د هېواد په ختیځ کې د ملي امنیت د ځانګړو ځواکونو یوې سرچینې باختر آژانس ته وویل چې په دغو عملیاتو کې شپږ ډار اچوونکي ووژل شول.
دغه عملیات تېره شپه د هوایي قوتونو په ملاتړ د لغمان او ننګرهار په مربوطاتو کې ترسره شول چې په پایله کې یې شپږ ډار اچوونکي چې د هدفي وژنو، ماین ښخونو او د یرغلیزو بریدونو په طرحه کولو بوخت وو؛ ووژل شول.
پای / سعیده
