کابل باخترد تلې دمياشتې ٩ :
دسترې محکمې اعلامیه
دسعودی عربستان ددارالافتاء داعلامیې له مخې د جمعې ورځ د 1393هجری لمریز کال دتلې یوولسمه نیټه چې د1435 هجری قمری کال د ذوالحجی دنهمې ورځې سره برابره ده دعرفی ورځ او شنبه دتلې دمیاشتې دولسمه چې دذوالحجی له لسمې ورځې سره برابره ده دنیکمرغه لوی اخترلومړی ورځ ده .دافغانستان داسلامی جمهوریت ستره محکمه خپلې مبارکی اونیکې هیلې په دغه مناسبت دافغانستان داسلامی جمهوریت جمهور رئیس جلالتماب محترم ډاکتر محمد اشرف غنی احمدزی ،دجمهوری ریاست محترمو مرستیالانو ،ددولت داجرائې رئیس ډاکتر عبدالله عبدالله اوداجرائیې رياست محترم مرستیالان ، پخواني جمهوررييس حامد کرزي ، دولسی جرګې اومشرانو جرګې رئیسانو ،دکابینې غړو،په ملی شوراکی دخلکو استازو اودافغانستان ټولو دیندارو اومسلمانو خلکوته وړاندې کوی اودلوی خدای (ج) له دربا څخه هیله کوی چی دافغانستان مسلمان ولس ته سوله ،امنیت ، سوکالی اوترقی ورپه برخه کړي .
