کابل / د چنګاښ ۹مه / باختر
د باميانو د بدنې روزنې او ورزش رياست مسوولينو ويلي دي چې په دغه ولايت کې د بايسکل ځغلونې سيالۍ د امنيتي ستونزو په دلیل ځنډول شوي دي.
د باميانو د بدنې روزنې او ورزش رييس اسحاق هاشمي باختر آاژانس ته وويل چې دغه سيالۍ چې ټاکل شوې وه د ( سولې لپاره بايسکل ځغلونه) ترنامه لاندې ترسره شوې وای، له کابل څخه د پلاوي د نه رسېدو او په غوربند دره کې د ناامنيو په دليل ځنډول شوې دي.
ټاکل شوې وه دغه سيالۍ څو ورځې وړاندې د ۲۰ ښځينه او ٣٠ نارينه ورزشکارانو ترمنځ ترسره شوې وای.
د باميانو د بدني روزنې او ورزش رياست مسوولين د دغو سياليو د ترسره کولو موخه په هېواد کې د دايمي سولې ملاتړ بولي.
ختم-ج-ا
