خبرونهامنیت

په ننګرهار کې د دوو ځانمرګو بریدونو مخه ونیول شوه

کابل / د لیندۍ ۵ مه / باختر

پوځیان وایي چې په ننګرهار کې یې د دوو ځانمرګو بریدونو مخه نیولې ده.

دوه ځانمرګي واسکټونه له کنټرولي دستګاوو سره یې چې ټاکل شوې وه د هغو په واسطه د شینواري ولسوالۍ په ګڼ مېشتو سیمو کې بریدونه وشي، تېره شپه د پوځیانو لاس ته ورغلل.

د ننګرهار د والي ویاند عطاالله خوږیاڼي باختر آژانس ته وویل چې یرغلګرو نیت درلود له دغو واسکټونو څخه د شینوارو ولسوالۍ کې په ګڼ مېشتو سیمو کې دوه ځانمرګي بریدونه ترسره کړي، خو بریالي نه شول.

د دغه تروریستي قصد په اړوند څوک نه دي نیول شوي او وسله والو طالبانو هم تراوسه په دې اړه څه نه دي ویلي.

پای/ سعیده

نور ښکاره کړئ

اړونده مقالې

بیرته پورته تڼۍ ته