کابل باختر د غبرګولي نهه ويشتمه
د روژې مبارکه مياشت چې د برکتونو او د قرآن کريم د نزول مياشت ده او (شهرالقران ) يې بولي ، په دې وروستيو کې په دې مبارکه مياشت کې په هېواد کې يو شمېر خونړۍ پېښې رامنځ ته شوې چې زموږ ډېر شمېر هېواد وال په کې شهيدان او يا ټپيان شول . له همدې امله نن د افغانستان د علومو اکاډمي رهبري هيئت ، منسوبينو او استادانو دا وپتېيله چې په دې بابرکته مياشت کې د قران کريم ختم وکړي ، تر څو د هېواد شهيدانو ته د دعا او په افغانستان کې د د ايمي سولې لپاره په دې برکتي مياشت کې دعا وکړي . د قران عظيم الشان دغه ختم چې نن لس بجې د علومو اکاډمي د کنفرانسونو په تالار کې پيل شو تر غرمې يې دوام وکړ او د قران عظيم الشان د ختم د تر سره کولو تر څنګ د هېواد د وروستيو پېښو ټپيانو ته د عاجلې روغتيا او شهيدانو ته د مغفرت دعا او د خداى جل جلاله له درباره د فردوس جنت او د ستر څښتن تعالى څخه په هېواد کې د دايمي سولې او ټيکاو غوښتنه وکړه او د افغانستان د دښمنان د نابودۍ هيله څرګنده شوه او د هېوادوالو د اتفاق او يووالي لپاره دعا وشوه .
0 1 دقیقه لوستل