کابل /د کب ١٦/باختر
د پنجشير په انجمن غاښه کې تېرماښام د واورې په ښويېدو کې څلور تنه ټپيان شول.
د پنجشير د پېښو پر وړاندې د مبارزې د تيارى رياست باختراژانس ته وويل: دغه واوره ښويېدنه د پنجشير اود بدخشان ترمنځ د انجمن غاښې په ساحه کې وښوييده چې ٤ تنه ټپيان شول.
ټپيان د بدخشان د کران اومنجانو ولسوالۍ روغتون ته د درملنې په خاطر ولېږدول شول.
په دې واوره ښويېدنه کې يو لودر او يو هايلکس ډوله موټر هم تر واورې لاندې شو .
د يادونې وړ ده چې واټ د ترافيکو پرمخ تړلې دى او ټاکل شوې ده د پنجشير د فوايد عامې رياست دغه واوره له واټ څڅه پاک کړي .
ختم- شکريه _ اکرم
