کابل باختر دزمري د مياشتې ٢ :
وسله والو طالبانو پرون دبغلان ولايت دبورکې ولسوالۍ دقره چغه دکلي په امنيتي پوستې ډله ييز بريد وکړ خو دامنيتي ځواکونو له سخت مقاومت سره مخامخ شول او دسر دروند زيان يې وزغامه.
دبغلان ولايت دامنيې قوماندانۍ دمطبوعاتي دفتر مرستيال احمد جاويد بشارت دباخترآژانس خبريال ته وويل : چې وسله والو طالبانو له څو استقامتونو څخه دبورکې ولسوالۍ په قره چغه کلي کې دپوليسو په امنيتي پوستې بريدوکړ چې دڅلورو تنو په وژل کيدو او دشپږو تنو نورو په ټپي کيدو سره په شاتګ ته اړ شول چې په دې پيښه کې دقوماندان صفر په نامه دوګړني پاڅون يو قوماندان شهيد او دسيمه ييزو پوليسو يو سرتيرى ټپي شو.
