کابل (بی این اے) افغانستان ریلوے اتھارٹی کے جنرل ڈائریکٹر ملا بخت الرحمن شرافت اور ان کے وفد نے تہران میں ایرانی ریلوے اتھارٹی کے سربراہ اور سڑکوں اور شہری ترقی کے وزیر سید میثم صالحی سے ملاقات کی۔
افغانستان ریلوے انتظامیہ کی جانب سے باختر نیوز ایجنسی کو دی گئی معلومات کے مطابق اس ملاقات میں ایران ریلوے اتھارٹی کے سربراہ نے کہا ہمیں آپ کی میزبانی کرنے پر خوشی ہے اور ہمیں امید ہے کہ یہ ملاقات دو طرفہ تعاون کے فروغ کا باعث بنے گی۔
علاوہ ازیں افغانستان ریلوے اتھارٹی کے جنرل ڈائریکٹر نے کہا ہے کہ ہم ایرانی ریلوے اتھارٹی کے شکر گزار ہیں کہ انہوں نے ہمیں مدعو کیا اور خواف-ہرات ریلوے کے ذریعے منتقلی شروع کرنے کے لیے خصوصی توجہ دینے پر ہم خاص طور پر ریلوے اتھارٹی کے سربراہ کے مشکور ہیں۔
ملاقات میں خواف ہرات تھرڈ سیکشن ریلوے کے ذریعے نقل و حمل کی رفتار پر تبادلہ خیال کیا گیا اور ایرانی فریق نے یقین دلایا کہ وہ اس حوالے سے تعاون کر رہا ہے اور اس راستے سے نقل و حمل کی سطح بڑھانے کی کوشش کر رہا ہے۔
اس کے ساتھ ہی دونوں اطراف نے دوطرفہ ریلوے تعاون کی ترقی پر زور دیا اور خواف ہرات تھرڈ سیکشن ریلوے کو دونوں ممالک کی اقتصادی ترقی میں اہم قرار دیا جس پر خصوصی توجہ دی جانی چاہیے۔
یاد رہے افغانستان ریلوے اتھارٹی کے جنرل ڈائریکٹر ملا بخت الرحمن شرافت اور ان کا وفد ایران ریلوے اتھارٹی کی سرکاری دعوت پر ایران کے دورے پر ہے۔
