افغانستان کی ٹیم مضبوط ہے، سامنا کرنے کے لیے تیار ہیں:انضمام الحق

کابل(بی این اے) افغانستان قومی کرکٹ ٹیم کے سابق کوچ اور پاکستان کرکٹ ٹیم کی سلیکشن کمیٹی کے موجودہ سربراہ انضمام الحق نے ایک پریس کانفرنس میں افغانستان کی قومی کرکٹ ٹیم کو ایک مضبوط ٹیم قرار دیا۔
انہوں نے کہا کہ افغان ٹیم ایک مضبوط ٹیم ہے اور کسی بھی ٹیم کا مقابلہ کرنے کی صلاحیت رکھتی ہے۔ ہم اپنی ٹیم کے ساتھ افغانستان کے خلاف بہتر پرفارمنس دینے کی کوشش کر رہے ہیں۔
کرکٹ اور خصوصاً افغان ٹیم کے بارے میں معلومات پر عبور رکھنے والے انضمام الحق نے مزید کہا کہ افغانستان کے ساتھ گزشتہ ٹی ٹوئنٹی سیریز میں ہم نے کچھ کھلاڑیوں کو وقت دیا جس کے نتیجے میں ہماری ٹیم سیریز ہار گئی۔
یہ بیان ایک ایسے وقت میں دیا گیا ہے جب افغانستان اور پاکستان کی قومی کرکٹ ٹیموں کے درمیان تین بین الاقوامی ایک روزہ میچوں کی سیریز 22 اگست سے شروع ہورہی ہے۔