بیرونی ادارے "ٹرانزیشنل جسٹس اینڈ پیس” کی جانب سے افغانستان سے کیڈرز کے انخلا کی کارروائی پر تشویش ہے :ترجمان امارت اسلامیہ

کابل (بی این اے)
امارت اسلامیہ افغانستان کے ترجمان کا کہنا ہے کہ بیرونی ادارے "ٹرانزیشنل جسٹس اینڈ پیس” کی افغانستان سے کیڈرز کے انخلا کے لیے کارروائی اور کوششوں پر تشویش ہے۔
امارت اسلامیہ افغانستان کے ترجمان ذبیح اللہ مجاہد نے مذکورہ ادارے کے جواب میں کہا کہ افغان پراسیکیوٹرز کے حوالے سے عبوری انصاف و امن نامی امریکی ادارے کی تشویش بے بنیاد ہے۔ یہ تنظیم کیڈرز کو افغانستان سے نکال کر انسانی اسمگلنگ کی راہ ہموار کرنے کی کوشش کر رہی ہے۔
انہوں نے مزید کہا کہ مذکورہ امریکی ادارے نے دعویٰ کیا کہ افغانستان میں استغاثہ کو خطرہ ہے۔ جب کہ کسی پراسیکیوٹر کو کوئی خطرہ نہیں ہے۔ بدقسمتی سے بعض متعصب غیر ملکی ادارے انسانی حقوق، امن اور انصاف کے نام پر افغانستان کے بارے میں جھوٹی خبریں پھیلا رہے ہیں اور لوگوں کو ہمارے ملک سے بھاگنے پر مجبور کر رہے ہیں۔
انہوں نے یاد دلایا کہ امارت اسلامیہ افغانوں سے مطالبہ کرتی ہے کہ وہ ان مشکوک اداروں کے دھوکے میں نہ آئیں اور اپنا ملک نہ چھوڑیں۔ امارت اسلامیہ کی طرف سے عام معافی سب کے لیے ہے اور کوئی اس کی خلاف ورزی نہیں کر سکتا۔
حال ہی میں امریکہ میں غیر منافع بخش تنظیم "ٹرانزیشنل جسٹس اینڈ پیس” نے ایک مہم شروع کی تھی جس میں 1500 افغان پراسیکیوٹرز اور ان کے اہل خانہ کو کسی تیسرے ملک منتقل کرنے کا مطالبہ کیا گیا تھا، کیونکہ بظاہر انہیں اس ملک میں شدید خطرہ لاحق ہے۔
انہوں نے یاد دلایا کہ امارت اسلامیہ افغانوں سے مطالبہ کرتی ہے کہ وہ ان مشکوک اداروں کے دھوکے میں نہ آئیں اور اپنا ملک نہ چھوڑیں۔