کابل(بی این اے ) 15 اگست مغرور ومتکبر امریکہ اور اس کے اتحادیوں کی شکست اور امارت اسلامیہ کی فتح کا دن ہے۔ یہ دن پورے ملک میں قومی جوش و جذبے کے ساتھ منایا گیا۔
منعقدہ تقاریب میں مقررین نے امارت اسلامیہ کی دوسری سالگرہ پر مبارکباد پیش کی اور امریکی جارحیت کے خلاف مجاہدین کی جدوجہد اور قربانیوں کو سراہا۔
بلخ کے گورنر الحاج محمد یوسف وفا نے صوبے میں امارت اسلامیہ کی فتح کی دوسری سالگرہ کے موقع پر کہا کہ امارت اسلامیہ افغانستان کی حکمرانی کے ساتھ 45 سال سے جاری جنگ کا مکمل خاتمہ ہوا۔ ملک میں مکمل طور پر اسلامی نظام کی حکمرانی ہے۔
اسی دوران نورستان کے گورنر شیخ شیر احمد حقانی نے اس دن کو ملکی تاریخ کا سنہرا دن قرار دیتے ہوئے کہا کہ امارت اسلامیہ کے مجاہدین کی بے مثال قربانیوں کی وجہ سے غاصبانہ قبضہ ختم ہوا اور اسلامی نظام قائم ہوا، اس کے ساتھ ہی افغانوں کا عظیم خواب پورا ہوا۔
دوسری جانب ملک عوام نے امارت اسلامیہ کی دو سالہ کامیابیوں کو سراہتے ہوئے کہا ہے کہ وہ کبھی بھی جارحیت پسندوں اور ان کی سازشوں کے فریب میں نہیں آئیں گے اور اپنی پوری قوت کے ساتھ اپنی حکومت کا ساتھ دیں گے۔
اس دن کے موقع پر جارحیت پسندوں سے غنیمت میں ملنے والے ہتھیاروں اور فوجی گاڑیوں کی نمائش کی گئی اور فوجی پریڈ بھی پیش کی گئی۔
اسی دوران پکتیکا کے گورنر مولوی فیض اللہ جمال نے کہا کہ امارت اسلامیہ نے نہ صرف عسکری میدان میں نہیں بلکہ سیاسی میدان میں بھی ایک عظیم فتح حاصل کی ہے اور اس دن اس نے اپنا سینہ اس قدر پھیلایا کہ قیادت نے تمام مجرموں کے لیے عام معافی کا اعلان کیا۔
دریں اثناء شہریوں نے اس دن کے موقع پر مساجد اور گھروں میں قرآن پاک کی تلاوت کی اور افغانوں کے درمیان اتحاد و اتفاق کی دعا کی۔
