کابل (بی این اے) وزارت تعلیم کی جانب سے 320 اساتذہ کے لیے”مؤثر درس و تدریس کا فروغ پروگرام” ترتیب دیا گیا۔
وزارت تعلیم کے ترجمان عزیز احمد ریان نے باختر نیوز ایجنسی کو بتایا کہ وزارت تعلیم کا اساتذہ کی پیشہ ورانہ ترقی کا شعبہ اپنے تعلیمی عملے کی پیشہ ورانہ ترقی کے لیے مسلسل کام کررہا ہے تاکہ اساتذہ مقررہ معیارات کے مطابق مطلوبہ اہلیت تک پہنچ سکیں۔
ریان کے مطابق مذکورہ محکمہ نے یونیسیف کے تعاون سے میدان وردگ، تخار، سرپل، سمنگان، پکتیا، پکتیکا، لوگر، قندوز، خوست، غزنی، دائیکنڈی، بامیان، کابل اور کابل شہر میں 320 اساتذہ کے لیے "مؤثر درس و تدریس کا فروغ پروگرام” منعقد کیا تھا۔
ذرائع کے مطابق ننگرہار اور نورستان صوبوں کے اساتذہ کی ورکشاپ بھی آئندہ دنوں میں منعقد ہو گی۔
یہ بات قابل ذکر ہے کہ مذکورہ پروگرام میں 320 تربیت یافتہ ٹرینرز آنے والے ہفتوں میں مذکورہ صوبوں کے 4000 پرائمری سکولوں کے اساتذہ کو چھ روز تک تربیت دیں گے۔
