خبریںسیاستاقتصادTop

ملا عبدالغنی برادرکے ہاتھوں آمو آئل فیلڈ کے مزید آٹھ کنوؤں سے تیل کے اخراج کا افتاح

 

کابل(بی این اے ) نائب وزیر اعظم برائے اقتصادی امور ملا عبدالغنی برادر اخوند نے آج صوبہ سرپل میں آمو آئل فیلڈ کے مزید آٹھ کنوؤں سے تیل نکالنے کے کام کا افتتاح کردیا۔
باختر نیوز کی معلومات کے مطابق اس موقع پر منعقدہ تقریب میں وزیر معدنیات و پیٹرولیم شیخ شہاب الدین دلاور اور سرپل کے صوبائی حکام بھی موجود تھے۔ نائب وزیراعظم برائے اقتصادی امور نے کہا کہ امارت اسلامیہ نے تمام صوبوں کی متوازن ترقی پر توجہ دی ہے اور آج ہم سرپل میں ایک اہم منصوبے کے افتتاح کا مشاہدہ کر رہے ہیں، جس کا پہلا فائدہ اس صوبے کے باشندوں کو پہنچے گا۔
ملا برادر نے کہا کہ اس اہم منصوبے کے آغاز کے ساتھ ہی صوبہ سرپل میں عوام کے مطالبے کے مطابق ایک بڑا سہولیات سے آراستہ ہسپتال، ایک معیاری سڑک اور پانی کا ڈیم بھی تعمیر کیا جائے گا، جو ہزاروں لوگوں کو روزگار کے مواقع فراہم کرنے اور ملک کی اقتصادی ترقی اور آمدنی کے اضافے میں اہم کردار ادا کرے گا۔
انہوں نے ٹھیکہ لینے والی کمپنی سے کہا کہ وہ مذکورہ منصوبے کا کام ٹھیکے کے مطابق احسن طریقے سے انجام دے اور سرپل کے مکینوں کی ضروریات کو مدنظر رکھتے ہوئے اس صوبے میں عوامی منفعت کے منصوبے کو مکمل کرے۔
آمو آئل فیلڈ میں مزید آٹھ کنوؤں کے فعال ہونے سے تیل کی پیداوار میں روزانہ کی بنیاد پر 800 کیوبک میٹر اضافہ ہوگا اور یہ فیصلہ کیا گیا ہے کہ مستقبل قریب میں مزید 10 کنویں فعال کیے جائیں گے۔
واضح رہے کہ آمو آئل فیلڈ میں اس وقت 350 انجینئرز اور 550 ورکرز براہ راست کام کر رہے ہیں، جس میں مزید آٹھ کنوؤں کے فعال ہونے سے اضافہ ہو گا۔

Show More

Related Articles

Back to top button