یوکرین، پہلا مسلمان شہری وزیر دفاع مقرر

کابل (مانیٹرنگ ڈیسک) اس وقت جب کہ یوکرین اور روس کے درمیان جاری جنگ کا 558 واں دن اختتام کو پہنچ رہا ہے، یوکرین کے صدر ولادیمیر زیلنسکی نے ایک ٹیلی گرام پیغام میں کہا ہے کہ انہوں نے اپنی کابینہ کے رکن وزیر دفاع اولیکسی ریزنیکوف کو ہٹا کر ان کی جگہ رستم انور اغلو عمروف کو نیا وزیر دفاع تعینات کر دیا ہے۔
رستم سمرقند ازبکستان میں پیدا ہوا اور اس وقت یوکرین کی شہریت رکھتا ہے۔
یوکرین کی پارلیمنٹ کی جانب سے منظوری کے بعد وہ ملک کی کابینہ میں پہلے مسلمان ہوں گے جو کسی اعلیٰ عہدے پر فائز ہوں گے۔
صدر زیلنسکی نے اپنی کابینہ میں اس تبدیلی کو اہم قرار دیا ہے۔
یوکرین کے صدر نے یہ فیصلہ ایک ایسے وقت میں کیا ہے جب ملک میں ماسکو کی جانب سے شروع کی گئی جنگ روز بروز پھیلتی جا رہی ہے اور روس کی وزارت دفاع نے حال ہی میں کہا ہے کہ گزشتہ دو دنوں کے دوران خصوصی آپریشنز کے دوران مختلف علاقوں میں 500 سے زائد یوکرینی فورسز ہلاک کیے گئے ہیں۔
لیکن اس کے ساتھ ہی یوکرین کی دفاعی افواج روسی فوجیوں کے خلاف پیش رفت کی اطلاع دے رہی ہیں اور ان کا کہنا ہے کہ انہوں نے حال ہی میں کچھ علاقے دوبارہ اپنے کنٹرول میں لے لیے ہیں۔