هرات شهری ۱۳ سنبله، باختر
مملکت اخبارات و مدنیت وزیرلیگی مدنیت و فرهنگ اورین باسری مولوی عتیق الله عزیزی بیشینچی و آلتینچی مناره‌لرنی زیارت قیلدی.
اوشبو اوچره‌شووده تاریخی آبده‌لر نینگ تامیرلش قیلینه‌یاتگنیدن خرسندمیز، لیکن بو قدیمی بایلیکلرنی قَیته تیکلش و اسره ب – اوه‌یلش جریانینی ینه‌ده کینگه‌یتیریش ضرورلیگینی ایتدی.
هرات اخبارات و مدنیت باشقرمه سی نینگ باشلیغی مولانا نعیم الحق حقانی مدنیت و فرهنگ معینی نینگ هرات تاریخی مسجدیگه تشریفی چاغیده بو ولایتده تاریخی مصلی قَیته تیکلش بوییچه بیر قنچه لایحه‌لر عملگه آشیریله‌یاتگنینی، اما بو ییترلی ایمسلیگینی ایته‌دی.
هرات اخبارات و مدنیت باشلیغی اوشبو ولایت نینگ هر بیری نینگ اوزیگه خاص قدریتیگه ایگه بولگن برچه تاریخی سوو حوزه‌لرینی قَیته تیکلشیمیزگه امید بیلدیردی.
حقّانی نینگ قوشیمچه قیلیشیچه، بیشینچی مناره ایشی بیر یریم ییلدن بیری دوام ایتماقده و اونینگ نوره ش خوفی برطرف ایتیلگن.
هرات اخبارات و مدنیت باشلیغی مملکت مدنیت و فرهنگ معینی دن یرمی اوپیریلیب توشگن آلتینچی مناره‌گه اعتبار بیریشنی سوردی.
مدنیت و فرهنگ معینی مولوی عتیق الله عزیزی هرات مسجدلری مجموعه‌سیگه تشریف بویوریب، هراتده‌گی تاریخی بنالرنی مملکت نینگ اینگ کتّه بایلیگی یېب حسابله‌دی و بو ولایتده تاریخی آبده‌لر نینگ بوزیلیشیگه یول قویمسلیگیمیزنی بیلدیردی.
اونینگ ایتیشیچه، آلتینچی مناره‌نی تامیرلش ایشی نی اخبارات و مدنیت وزیرلیگی اوز ذمّه‌سیگه آله‌دی.
ینه بیر خبرگه کوره، اخبارات و مدنیت وزیرلیگی نینگ مدنیت و فرهنگ معینی مولوی عتیق الله عزیزی هراتده‌گی امیر علیشیرنوایی زیارتگاهی، سلطان حسین بایقرا زیارتگاهی و باشقه بیر قطار تاریخی آبده‌لرنی کوریب چیقدی.
