کابل ۱۳ حوت باختر
رسمی سفر بیلن تورکمنستانگه بارگن صنعت و تجارت وزیرلیگی نینگ سرپرست وزیری نورالدین عزیزی افغان تدبیرکارلری و سرمایه‌دارلری بیلن اوچره‌شوویده مملکتگه سرمایه کیریتیشنی سوردی.
باختر آژانسیگه خبریگه کوره، اوشبو اوچره‌شووده صنعت و تجارت وزیرلیگی نینگ سرپرست وزیری تورکمنستان جمهوریتیگه کیلگن تورلی مملکتلرده استقامت قیلووچی افغان ایش بیلرمانلری و سرمایه‌دارلرینی ایش بیلرمانلیک علاقه‌لری کنفراسسیده اشتراک ایتیشگه و تورکمنستان-افغان کورگزمه‌سیگه تشریف بویوریشگه اونده‌گن. و مملکت ایچیده یره‌تیلگن امکانیتلرگه سرمایه کیریتینگ دییه تأکیدله‌گن.
نورالدین عزیزی اولرنی سالیق تولگن هر بیر افغان نینگ حسابی بولیشی و سالیق پوللری بیهوده صرفلنمسلیگی و مملکتنی قَیته تیکلشگه صرفلنیشیگه ایشانتیردی.
اوشبو اوچره‌شووده افغان ایش بیلرمانلری و سرمایه‌دارلری نفت محصولاتلرینی تشیشده اوزلری نینگ معمالری و تورکمنستان پورتیده ایرکین زون تشکیل ایتیش، افغانستان-تورکمنستان قوشمه بانکینی تشکیل ایتیش، تریفلرنی په‌سه‌یتیریش، تجارت بلانسیده موازنتنی سقلش بوییچه اوز تکلیفلرینی بحث قیلدیلر؛ و تورکمنستان جمهوریتیده افغانستان صادرات تاوه‌رلرینی ایلگری سوریش دیر.
صنعت و تجارت وزیرلیگی نینگ سرپرست وزیری اولر نینگ فکر و ملاحظه‌لری انابتگه آلینیشیگه ایشانتیردی.
