ینگی‌لیک/اخبارگزارش‌لرTOP

اسلامی امارت ریاست الوزراء اداری اورین باسری نینگ جوزجان لوا قوماندانی همده درزاب اولوسوالی بیلن اوچره شووی

بیزلرنی اجتماعی ترماق‌لرده هم تعقیب قیلینگ

۱ سنبله ۱۴۰۱

اسلامی امارت ریاست الوزراء اداری اورین باسری نینگ جوزجان لوا قوماندانی همده درزاب اولوسوالی بیلن اوچره شووی

افغانستان اسلامی امارت ریاست الوزراء اداری ایشلر بوییچه اورین باسری حرمتلی مولوی عبدالسلام حنفی بوگون جوزجان لوا قوماندانی محمد ظریف حلیمی و بو ولایت درزاب تومنی اولوسوالی مولوی سید محمد بیلن اوچره شدی.

اوشبو اوچره شووده بیرینچیدن اولر بو ولایت اجتماعی همده امنیتی وضعیتی اینیقسه درزاب و قوش تپه اولوسواللیکلر خلقی وضعیتی و جوزجان لوا مجاهدلری وضعیتی باره سیده ریاست الوزراء اداری اورین باسرلیگیگه گزارش بیردیلر.

جوزجان لوا قوماندانی بو لوا مجاهدلری روحیه سی همده مورالینی یوکسک بهالب ایتیشیچه، مذکور لوا نینگ کوچلری اسلامی امارت رهبریتی هر قنده ی دستورینی بجریش اوچون تیارلر.

درزاب و قوش تپه تومنلریده اداری بناسی بولمه گنی و بو اولوسواللیکلر امنیه قوماندانلیکلری اوچون اداری تعمیر یوقلیگینی اساسی قیین چیلیکلردن دیب، بونینگ حلی اوچون اسلامی امارت رهبریتی نینگ توجه سینی سوره دیلر.

ریاست الوزراء اداری ایشلر بوییچه معاونی حرمتلی مولوی عبدالسلام حنفی خلق اینیقسه اسلامی امارت مجاهدلری روحیه سی یوکسک لیگی اشغال یکونله نیشی  و مملکت بویلب خوفسیزلیک تامینله نیشیگه اصلی عامل دیب ایتیشیچه، اسلامی امارت کوچلری خلق و نظام نینگ فخری دیر اولرنینگ فداکارلیگیدن منتدارچیلیک قیلیش لازم دیر.

شونینگدیک حنفی جنابلری درزاب تومنی اولوسوالی نینگ بو اولوسواللیک اجتماعی و امنیتی توغریسیده گی گزارشینی ایشیتیب تاکیدله شیچه، اسلامی امارت مسووللری خلق امنیتی تامینله نیشی و اولرنینگ رضایتی جلبی اوچون کوپراق سعی و تلاش قیلیشلری کیره ک و درزاب همده قوش تپه اولوسواللیک لری و امنیه قوماندانلیکلری نینگ اداری تعمیری معماسی حل بولیشی اوچون هم سعی و حرکت قیلینه دی دیدی.

کوپ‌راق کورستیش

نوشته های مشابه

دکمه بازگشت به بالا