کابل ۱۱ سنبله باختر
باش وزیرلیک اداره سی نینگ سیاسی اورین باسری مولوی عبدالکبیر اسلام همکارلیک تشکیلاتی هیئتی بیلن اوچره‌شووده شونده‌ی دیدی؛ افغانستانده تیل، ایتنیک و دینی تفاوتلرگه اورین یوق و بو مملکت کوچلی اسلامی تیزیم بیلن باشقریله‌دی.
باش وزیرلیک اداره سی نینگ مطبوعات خذمتی اوشبو خبرنی اعلان قیلیب، شونده‌ی دیدی: «اوشبو اوچره‌شووده اسلام همکارلیک تشکیلاتی علماءلر هیئتی افغانستانده خوفسیزلیک تأمینلنگن بو دولتگه تشریف بویوریشگه موفق بولگنلیکلرینی بیلدیردیلر.
تورلی مملکتلردن کېیگن عالِملردن عبارت بو هیئت قوشیمچه قیلدی: اسلام عالمی افغانستانده دایمی برقرارلیکنی ایسته‌یدی و اوروشنی قۉللب – قوتله‌مه‌یدی. اولر، شونینگدیک، اسلام امیرلیگی نینگ ایشیگه قرشی قطعی حرکتینی اوزیگه خاص و ثمره‌لی دیب اته‌دی و بو اوزگریشلرنی دنیا تن آلیشی کیره‌کلیگینی تأکیدله‌دیلر.
باش وزیرلیک اداره سی نینگ سیاسی اورین باسری مولوی عبدالکبیر نینگ قوشیمچه قیلیشیچه، اسلام امیرلیگی نینگ کوره‌شی اشغالنی توگه‌تیش و اسلامي توزومنی اورنه‌تیشگه قره‌تیلگن بولیب، ایندیلیکده بو ایکّی مقصدگه ایریشگن.
مولوی عبدالکبیر، شونینگدیک، افغانستانده‌گی اوروش توگه‌گنینی، بو دولتده تیل، ایتنیک و دینی تفاوتلرگه اورین یوقلیگینی و افغانستان کوچلی اسلامی تیزیم بیلن باشقریله‌یاتگنینی ایتدی.
باش وزیرلیک اداره سی نینگ سیاسی اورین باسریگه اسلام امیرلیگی برچه دولتلر بیلن ایجابی همکارلیک قیلیشنی ایستشی ایسله‌تیلدی. حاضرده اسلام امیرلیگی نینگ عاقلانه سیاستی طفیلی افغانستان بیر قطار دولتلر بیلن یخشی سیاسی و سودا علاقه‌لریگه ایگه.
