کابل ۱۷ اسد باختر
افغانستان تشقی ایشلر وزیرلیگی رسمی لریدن بیری مصر دیپلومات لری هیاتی بیلن اوچره شوو ده، ایکی مملکت ارا مناسبت لر سیاسی، اقتصادی و فرهنگی ایشلرنی قنده‌ی کینگه یتیریلیشی بوییچه بحت آلیب باردیلر.
تشقی ایشلر وزیرلیگی مطبوعات دفتری بوگئن بیر خبرنامه ترقه تیب یازیشیچه؛ افغانستان تشقی ایشلر وزیرلیکی ایکینچی سیاسی بولیمی نینگ باشلیغی، فیضان الله ناصری مصر دیپلوماتیک مصرلیک هیات رئیسی، حسن عبدالسلام النجار بیلن مذکور مملکت نینگ کابلده گی ایلچی خانه سی نینگ مسئولی و بیرینچی سکرتری، محمد احمد عبدالحلیم حضور بار ایکن ملاقات قیلدی.
اوشبو ملاقات ده؛ مصرلیک هیات رئیسی افغانستان اسلام امیرلیگی نینگ ایکی ییللیک یوتوق لری تورلی بولیم لرده اینیقسه مملکت بویلب خوفسیزلیک تامین ایتیلیشی و اقتصادی برقرارلیک بولگنینی خوش قرشی له دی. تمانلر شونینگدیک ایکی مملکت ارا مناسبت لر قنده ی کوچه یتیریشلیشی بوییچه تورلی بحث آلیب باردیلر.
