کابل، ۹ قوس، باختر
مولوی عبدالسلام حنفی، باش وزیرلیک اداره سی نینگ اداری اورین‌باسری: “اسلام امیرلیگی آدملر اوچون آزوق – اوقات و دارو – درمانلر خوفسیزلیگینی تأمینلشگه حرکت قیلماقده و صفتسیز و ضررلی دارولر و آزوق – اوقات محصولاتلرینی آلیب کیریش و ایشلب چیقریشدن آگاهلنتیردی.
اوشبو اداره مطبوعات خدمتی اخبارات نامه سیده یازیلیشیچه، مولوی حنفی بو بیاناتلرنی کابلده‌گی ملی آزوق – اوقات و دارولر باشقرمه سی نینگ رقملشتیریش جریانی نینگ آچیلیشیده ایتگن.
حنفی افغانستان خلقی اوچون محلی و وارد قیلینه‌دیگن محصولاتلرده آزوق – اوقات و دارو خوفسیزلیگینی کفالتلش و اونی ملی و خلق‌ارا ستندردلرگه موافق قیلیش اوچون ملی آزوق – اوقات و دارولر باشقرمه سینی کوچه‌یتیریش نیتیده ایکنلیکلرینی قوشیمچه قیلدی.
او آزوق – اوقات و دارو – درمانلرنی خلق نینگ اساسی احتیاجلریدن بیری و اسلام امیرلیگی نینگ اوستوار یونه‌لیشلریدن بیری دیب اته‌دی و آزوق – اوقات و دارو بولیمی بولمه‌سه، انسانلر سلامتلیک نقطه‌ی نظریدن خوفسیز بولمه‌یدی، دیدی.
اونگه کوره؛ ایلگری، هیچ قنده‌ی اعتبار و نظارتسیز، ساغلیق اوچون ضررلی کیمیاوی مادّه‌لر؛ او دارو – درمان و آزوق – اوقات صفتیده تکلیف قیلیندی.
وزیرلیک نینگ اداری اورین‌باسری، شونینگدیک، آزوق – اوقات و دارو – درمانلرنی ایشلب چیقریش و آلیب کیلیش بیلن شغللنووچی تدبیرکارلردن آدملر سلامتلیگیگه ضرر ایتکزووچی دارولر و آزوق – اوقات محصولاتلرینی ایشلب چیقرمسلیک یاکه آلیب کیرمسلیکنی سوردی و ملی آزوق – اوقات و دارولر باشقرمه سی بونگه مجبور ایکنلیگینی قوشیمچه قیلدی. حقوقبوزرلرنی انیقلب، قانونگه تاپشیریشگه حرکت قیلیشلرینی جنایتچیلر قتّيق جزالنه‌دی، “چونکه بو آدملر افغانستان نینگ باله‌لری و خلقیگه ضرر ییتکزه‌دی، اولر ملی ساتقین دیب حسابلنه‌دی”.
اوشبو ییغیلیشده ملی آزوق – اوقات و دارولر باشقرمه سی باشلیغی دوکتور عبدالباری عمر شونده‌ی دیدی: حاضرگی وقتده ملی آزوق – اوقات و دارولر باشقرمه سی تیزیمی نینگ ۵۰ فایزی آنلاین رقملشتیریلگن، بیز بو ایشنی اقتصادی و حیاتی اهمیتی طفیلی دوام ایتتیرماقده‌میز دیدی.
